عايش عذاب في عذاب ..

عايش عذاب في عذاب .. كلمات صلاح الدين الكردي


الين الحين وأنا عايش عذاب في عذاب أحس كل شي في الدنيا صار يعذبني

البسمه و الفرحه عندي مثل الأغراب حتى الحب مايبيني و صار يبعد عني



ماتت أحاسيسي وشعـر راسي شاب وأنيـن صوتي انحرق و صار يحرقني

انطفت شموعي وجليد شوقـي ذاب أذوب كل لحظه ومافي من يذوبني



عايش حياتي وأنـا والعذاب أصحاب أسهر ليلي و ظلامه عايش في حضني

وهـم في وهم وعـذاب في عذاب ليه كذا الدنيا ماودها تجي وتسايرني



ليه أنا مالي غير الجـرح والهم أحباب حتى الجرح تعب و مايقدر يتحملني

عايش حياتي وأنـا و الجروح أنساب والجرح مالقى مكان عشان يجرحني



أنا كيف أصبر ومقفلـه كل الأبواب حتى الصبر مل مني وماقدر يصبرني

أسهر الليـل و حتى القمر عنه غاب ليـه حتى القمر ماوده يجي يونسني



الحظ ما يعرفني ولا أذكر انـه صاب من يوم انولدت و الشقـا يعرفني

الفرح يكرهني ولا أعـرف الأسباب أبكي والدمعه تفـرح يوم تتركني



الين الحين وأنا عايش عذاب في عذاب للأسف للحين مالقيت اللي يفهمني

الين الحين وأنا عايش عذاب في عذاب حتى كل شي في الدنيا صار يعذبني



https://kingdom-12.hooxs.com