حور العين الاداره العامه
ما هي مهنتك : من اي بلد انت : احترامي للقوانين : نبذه عن حياتك : كلها حزن وهموم هل لديك صديق هنا : كلهم اعرفهم ما اسباب تسجيلك : لان هذا المنتدى مثل بيتي قوه الذكاء : الحمد لله الابراج : الأبراج الصينية : عدد المساهمات : 1373 نقاط : 38803 كم تحبوني صوتي لي : 7 تاريخ الميلاد : 24/03/1995 تاريخ التسجيل : 14/11/2010 العمر : 29 الموقع : *اذا مر الزمان ولم تروني..*..هذا خطي فذكروني*
بطاقة الشخصية lave:
| موضوع: أكلات خفيفه سهله سريعة .. و لذيذه جداااا الجمعة مايو 27, 2011 1:05 pm | |
| عايزين نتشارك فى الموضوع ده و نتبادل خبرات بعض فى الاكلات الى عمايلها سهلة و سريعة و فى نفس الوقت يكون طعمها لذيذ و حلو فياريت الى عنده اى اختراع يقوله او حتى وصفة قديمه بس تكون جامده كده عموما هبدأ انا بالحاجات الى بفضلها
المكرونه طبعا المكرونه عمايلها سهلة و سريعة بس طعمها مبيبقاش حلو اوى بالطرق العادية و دى طريقتى ... معلومة::لما تيجي تشترى مكرونه شوف اصفر نوع قدامك و هاته لان نسبة البيض فيه بتبقى اكتر و طعمها بيبقى الذ المقادير: نص كيس مكرونه او تلت تربع كيس شوربة ماجى او كنور احسن طعم هو المشروم و عموما اختار النكهة الى تعجبك
طريقة الاعداد: طبعا بتسلق المكرونة عادى و هو انك تسخن ميه (5 لتر لكل كيس) و بعد ما تغلى تحط فيها المكرونه و بعد خمس دقايق حط معلقة ملح كبيره و بعد ربع ساعه من الغليان شيك على المكرونه هتكون بدأت تستوى شوف الملح لو محتاجه زود بس متكترش اكتر من معلقة كبيره و بعد تلت ساعه من الغليان هتكون تقريبا استوت
فى نفس الوقت تكون بتعمل الشوربة فى حلة تانيه و طريقتها سهلة تحط لتر ميه فى حلة و تحط فيها كيس الشوربة و تستنى لغايه ما تغلى و تقوم موطى النار عليها خالص
بعد ما المكرونه تستوى صفيها و حطها فى الشوربة خمس دقايق ... و ادعيلي
الهامبورجر كل الناس بتحب الهامبورجر بس بقى تقليدي اوى فى البيت و حتى لما بنخرج بناكل برضه هامبورجر... عموما جرب الطريقة دى و سلملى على هارديز اشترى فى الأول نوع هامبورجر بالتوابل ... فيه امريكانا بالتوابل العربية و ده الى انا بفضله بس اى نوع بالتوابل هيقضى الغرض السر فى الخلطه ... هات جبنه شيدر مدخنه و بتتباع عند اى سوبر ماركت كبير و انت بتحمر الهامبورجر قبل ما تستوى بحاجه بسيطه حط الجبنه الشيدر عليها عشان تسيح معاها و خلى بالك الجبنه الشيدر المدخنه طعمها قوى جدا يعنى متكترش اوى... و بس حطها بقى فى العيش و عيش حياتك فى الكاتشب و يا سلام لو كاتشب حار ... و برضه هتدعيلي و على فكرة ممكن تعمل بالجبنه دى بيض مقلى خرافه حط قطع منها فى البيض و انت بتقليه مع صابع مقطع هوت دوج ... و مش هتقدر تغمض عينك و فيه برضه وجبة لذيذه ساعات بعملها على الفطار مع بساطتها الشديده هات رغيف عيش و حط فيه جبنه رومى و اربع شرايح طماطم رفيعين و حطه فى الميكرويف او الفرن او اى حاجه بتسخن....... بيبقى لذيذ جداااااا
و بس خلاص ده الى عندى عايزين نشوف بقى اختراعاتكم
**********************
المصدر:شبكة العراق المجروح
تحــــ حور العين ــــــياتي
| |
|