للأسف الشديد كثير من الرجال يلجأون لضرب النساء من باب التعالي لأنهم بيشوفو بالمرأه مخلوق كونه حساس فبيتعاملو معها كشخص ضعيف....
علما انه الله سبحانه وتعال يقول "وخلقنا لكم من انفسكم ازواجا لتسكنو اليها وجعل بينكم مودة ورحمه"...
المراه مش بس زوجتك لا امك واختك وبنتك ...
بعض المجتمعات الرجوليه تعتقد انه اهانة المرأه اثبات رجوله..
لربما الضرب والتوبيخ هو حل للتاديب سواء للطفل او المرأه بس اي ضرب مش انه نجيب سلك كهرباء ونشوه جسمها لا الضرب الخفيف اللي يبيبن انه الرجل زعلان مش اكتر .وللتاديب مش اكتر.
للأسف الشديد اليوم الضرب صار شائع والضرب مش مجرد تاديب لا صار عنيف
وله اسباب عده
الوضع الأجتماعي والوضع المادي في نساء اللي بتعيش مع ازواج ما بيعرفو ايش يعني امراه الزوجه بالنسبه لهم اداه لأشباع غريزته وانجاب اطفال وكنسومسح تربو على هاد الشي.
في ناس اللي بتعاني من وضع اقتصادي صعبب عطاله بطاله بتستنى الدنيا تمطر عليها فلوس هاد الشي بيخلق جو من المشاحنات انه المرأه لو تمرددت هو بيرد عليها بصفعه انه مستقوي عليها.
عدا النساء اللي تزوجن اشخاص اللي يعانون من اضرابات عصبيه نتيجة ملرض نفسي او لتعاطيهم المخدرات والكحول هؤلاء ناس ما عندهم سيطره على اعصابهم ولا على انفسهم فوقت يضربو بيكونو بحالة الا وعي.
وكل هاي الأمور وهاد التعامل هدام لنفسية الزوجه اللي ما بيكون عندها القدره لأنها تمنح قوه لأولادها في كتير اولاد اللي بيعانو من مشاكل نفسيه بسبب ضرب ابائهم لأمهاتهم الولد نفسو بيكون ما عنده ثقه بنفسه ما في يدافع بيصير يدور على اي شي يبعد فيه عن البيت ومشاكل البيت حتى لو يروح لأشياء هدامه.
كل رجل بيضرب رجل ضعيف بيحاول يثبت رجولته على مخلوق حساس ... في رجال بتتخانق بالشغل مع حد بيجي بيطلع خلقه على مرته ما عرف يطلع قهره بره بيجي بيطلعه على اهل بيته ...بجد كانه ثور هائج
الحديث بهاد الموضوع ما بيخلص رح اترك المجال لغيري سوري علأطاله بس موضوع جميل حقا متل هيك قضايا لازم نحكي فيها.
موضوع: لماذا يلجا الزوج لضرب الزوجة 
الخميس ديسمبر 30, 2010 8:05 pm